Agjencia e trajtimit të pronave do të ketë edhe dy vite afat për përfundimin e trajtimit të 7 mijë dosjeve që janë ende pa një vendim. Qeveria ka propozuar që afati për kompensimin financiar do të shkojë deri në vitin 2028.
Gjithashtu kërkohet që fondi i detyrueshëm në buxhet me jo më pak se 50 miliardë lekë të shtyhet me 3 vite duke e çuar deri në vitin 2028.
Një tjetër ndryshim bëhet edhe për afatin e vlerësimit të njohjes së pronës që do të shkojë deri ën vitin 2027. Sipas të dhënave në vitin 2015 në ATP ishin 7000 dosje të patrajtuara.
Aktualisht, rezulton se janë ende papërfunduar 5862 dosje dhe 1197 praktika, në total 7059, nga të cilat 705 të rikthyera për trajtim.
