Policia e Tiranës ka finalizuar operacionin “Foleja 6”, ku u arrestuan dy gra nga Kina, H. W. 40 vjeçe dhe K. Sh. 38 vjeçe, të dyshuara për ushtrimin e prostitucionit në një apartament të marrë me qira në rrugën Myslym Shyri.
Në kuadër të këtij operacioni, janë proceduar gjithashtu tre persona të tjerë, të dyshuar për përfitime nga aktiviteti i paligjshëm.
Gjatë kontrolleve, janë sekuestruar shuma parash dhe dy telefona celularë, të dyshuara si të përfituara nga prostitucioni.
Materialet janë referuar për hetime të mëtejshme në Prokurorinë e Tiranës.
