Policia e Cërrikut ka arrestuar 39-vjeçarin Engjëllush Ibrahimi, i kërkuar nga autoritetet kosovare për përfshirje në laboratorin e drogës ku u sekuestruan 1 ton kanabis. Ibrahimi akuzohet për kultivim dhe shpërndarje narkotikësh dhe është i shpallur në kërkim ndërkombëtar. Ai pritet të ekstradohet në Kosovë për të përballuar akuzat.
Po në Cërrik, u arrestua edhe Albano Saliu, ndërsa Erjon Etemaj është kapur më herët. Dy të tjerë, Eldi Mykaj dhe Mirjon Qokli, janë ende në kërkim. Grupi është i përfshirë në aktivitetet e drogës që janë zbuluar në laboratorin e Pejës më 27 shtator.
