Një aksident i rëndë ka ndodhur paraditen e sotme në rrugën Vorë-Fushë Krujë, ku dy automjete janë përplasur kokë më kokë.
Sipas burimeve nga vendi i ngjarjes, një automjet tip “Benz” që udhëtonte në drejtim të Fushë-Krujës është përplasur me një automjet tip “Audi” që lëvizte në drejtim të Vorës. Si pasojë e përplasjes, disa persona kanë mbetur të lënduar dhe janë dërguar menjëherë në spital për ndihmë mjekësore.
Aktualisht, gjendja e tyre shëndetësore nuk është e njohur. Policia po heton rreth shkaqeve të aksidentit.
