Policia e Tiranës ka zbardhur ngjarjen e dhunshme të ndodhur tek pallati i sportit “Asllan Rusi”, ku dy fëmijë të mitur, njëri 10 dhe tjetri 14 vjeç, u plagosën pas një përleshjeje me disa bashkëmoshatarë.
Në vijim të hetimeve, janë proceduar penalisht 3 të rinj të moshave 14, 14 dhe 15 vjeç, të cilët dyshohet se kanë përdorur mjete të forta gjatë përplasjes. Policia ka sekuestruar në cilësinë e provës materiale disa mjete prerëse, lëndë piroteknike, si dhe një shkop që mendohet se është përdorur gjatë dhunës. Grupi hetimor vijon punën për sqarimin e rrethanave të ngjarjes.
