Trajneri i Evertonit, Sean Dyche, ka folur për Armando Brojën dhe mundësinë e aktivizimit të tij në ndeshjen e ardhshme ndaj Arsenal. Dyche tha se Broja është pjesë e strategjisë për këtë duel të rëndësishëm, duke theksuar se sulmuesi kuqezi ka qenë gjithmonë në mendimet e tij për sa kohë ka qenë i shëndetshëm.
Ai shtoi se Broja u aktivizua për disa minuta në ndeshjen kundër Wolves për t’u njohur me ritmin e lojës, por theksoi se sulmuesi ka ende një rrugë të gjatë për t’u rikthyer në formën e tij optimale. Dyche shpreson që ai të rikthehet plotësisht në grup dhe të jetë konkurrues në fushë.
