Një ngjarje tragjike ka ndodhur në qytetin e Korçës, ku një 16-vjeçar nga fshati Barç ka humbur jetën pas një ataku kardiak.
I riu ka ndërruar jetë në banesën e tij, ndërkohë që familjarët e tij, të cilët e njoftuan menjëherë ambulancën, nuk mundën ta shpëtonin. Mjekët, që mbërritën në vendin e ngjarjes, konstatuan se ishte e pamundur ta kthenin në jetë. Lajmin për vdekjen e tij e ka bërë të ditur shkolla që ai frekuentonte, e cila ka shprehur ngushëllime për humbjen e 16-vjeçarit.
Tragjedia ka tronditur komunitetin, ku të gjithë kanë shprehur hidhërimin për humbjen e një jete të rinë dhe plot mundësi.
