Në dy javë, një grup shqiptarësh dyshohet të ketë kryer 12 vjedhje banesash në qytetet Milano dhe Monza. Policia italiane ka arrestuar dy anëtarë të grupit, ndërsa një tjetër është shpallur në kërkim. Vjedhjet u realizuan gjatë muajit nëntor, ndërsa të arrestuarit janë në moshën 27 deri 35 vjeç.
Grupi i dyshuar përdorte një automjet me motor të madh, që u mundësonte të largohej me shpejtësi pas kryerjes së krimeve. Dy të arrestuarit u kapën në provincën e Monza Brianza-s, dhe tashmë po punohet për kapjen e personit tjetër që është ende në arrati. Policia ka intensifikuar hetimet për zbardhjen e të gjithë aktivitetit të grupit dhe sekuestrimin e provave.
