Sekretari i Përgjithshëm i Partisë së Lirisë, Tedi Blushi, ka bërë thirrje për pjesëmarrje masive në protestën e opozitës, që do të mbahet nesër në Tiranë. Ai kërkoi që qytetarët të ngrihen për një mosbindje civile, duke theksuar se misioni i opozitës për të shpëtuar Shqipërinë është i pakthyeshëm.
Blushi ka nënvizuar se nesër, ora 17:00, Tirana do të jetë në duart e qytetarëve. Ai ka kritikuar qeverinë e Edi Ramës, duke e akuzuar për korrupsion dhe abuzime, dhe e ka cilësuar protestën si një moment të rëndësishëm për ndryshimin e vendit.
Në përfundim, Blushi tha se fitorja është më pranë se kurrë dhe bëri thirrje për mobilizim masiv në këtë lëvizje të nisur nga opozita.
