Kreu i Partisë Demokratike Sali Berisha ka mbërritur në spitalin e Truamës për të parë gjendjen shëndetësore të Agron Gjekmarkaj. Ai mbeti i lënduar gjatë protestës nga dhuna e ushtruar nga policia.
Gjekmarkaj ndodhej në pallatin me shigjeta ku ka humbur ndjenjat dhe më pas është dërguar në spitalin e Traumës.
“I thashë jam nënkryetar Parlamenti, jam profesor universiteti… As më shikonin fare në sy. Më ushtruan presion në gjoks dhe mbeta pa frymë”, tregon Gjekmarkaj në spital.
Ndërkohë policia e shtetit përgënjeshtron si të pavërteta që Gjekmarkaj është sulmuar nga policia. Ata thonë në njoftimin e tyre se Gjekmarkaj nuk është goditur nga asnjë punonjës policie, por, nga të dhënat e para, rezulton se ai nuk është ndjerë mirë nga ana shëndetësore dhe është larguar nga protesta.
