Në Korçë, qyteti ka qenë i mbushur me atmosferën festive të Krishtlindjeve, duke bashkuar besimtarë dhe vizitorë për të festuar këtë ditë të shënuar.
Mesha e Krishtlindjeve, që u drejtua nga Mitropoliti i Korçës, Imzot Joani, u mbajt në Katedralen “Ngjallja e Krishtit”, ku të theksuara ishin mesazhet e dashurisë, harmonisë dhe tolerancës mes njerëzve. Pas meshës, shumë qytetarë janë kthyer në shtëpitë e tyre për të vazhduar festimet familjare.
Ndërkohë, në doganën e Kapshticës është vënë re një rritje e madhe e hyrjeve, me 7,498 persona që kanë kaluar në atdhe për të kaluar Krishtlindjet me familjen.
Korça ka tërhequr gjithashtu shumë turistë, duke ofruar një program festiv të veçantë dhe muzikë live në restorante dhe hotele, duke krijuar një atmosferë të ngrohtë e festive për të gjithë.
