Kryetari i Bashkisë së Tiranës Erion Veliaj gjatë mbledhjes së Këshillit Bashkiak ka njoftuar shpërblimin e fundvitit për mbi 4 mijë punonjës të shërbimeve mbështetëse.
“Ata janë heronjtë e heshtur të qytetit, këtu përfshihen pastruesit, ata që merren me mirëmbajtje, sepse do të duam që për mbi 4360 punonjës, ne të kishim një mundësi për t’iu dhënë një pagë shtesë, ose një asistencë shtesë financiare për vitin e ri”, tha Veliaj.
Ai u shpreh se ky vendim vjen si një shenjë vlerësimi për përpjekjet dhe kontributin e vazhdueshëm të këtyre punonjësve, veçanërisht në një periudhë festive që mbledh komunitetin dhe familjet.
