Ditën e nesërme kreu i Partisë Demokratike Sali Berisha do të paraqitet në SPAK, pasi i Apeli i GJKKO i ka caktuar masën e sigurisë “detyrim paraqitje”. Berisha duhet të paraqitet dy herë në muaj.
Deputeti demokrat Flamur Noka me anë të një postimi në rrjetet sociale bën thirrje që të bashkohen qytetarët për protestë nesër në orën 09:30 përpara SPAK.
“Nesër, në orën 9:30, të gjithë së bashku përpara selisë së #SKAP, për të protestuar kundër akteve përndjekëse që kjo vegël në duart e Ramës, bën kundrejt kundërshtarëve politik të tij. Do të jemi aty nesër në mbështetje të së drejtës, ligjit dhe së vërtetës, që janë në anën e liderit të opozitës, Prof. Dr. Sali Berishës. E hënë, 6 janar, ora 9:30, përpara SKAP-it”, shkruan Noka.
