Manchester City u rikthye te fitorja në kampionat dhe këtë e bëri me goleadë ndaj Ipswich në transfertë.
Skuadra e Pep Guardiolës, triumfoi me shifrat e thella 6-0, në sfidën e javës së 22-të në Premier League.
Dopieta e Foden dhe goli i Kovacic, i dha qetësinë “qytetarëve” në pjesën e parë të ndeshjes. Megjithatë spektakli vazhdoi edhe në fraksionin e dytë, ku miqtë shënuan edhe tre herë të tjera me Haaland, Doku dhe McAtee.
Me këtë fitore, City ngjitet në vendin e katërt në renditje, me 38 pikë të grumbulluara.
