Presidenti i Panamasë, José Raul Mulino ka reaguar në lidhje me Donald Trump ku shprehet se do të rimarrin kanalin.
“Kanali është dhe do të vazhdojë të jetë i Panamasë dhe administrata e tij do të vazhdojë të jetë nën kontrollin panamez në lidhje me neutralitetin e tij të përhershëm”, tha Mulino në një deklaratë pas betimit të Trump.
Mulino gjithashtu hodhi poshtë pretendimin e Trump se Kina po “operon” kanalin, i cili lidh Detin e Karaibeve me Oqeanin Paqësor.
“Nuk ka prani të asnjë kombi në botë që ndërhyn në administratën tonë”, tha Mulino pa përmendur drejtpërdrejt Kinën.
