Kryeministri Edi Rama në Forumin Ekonomik Botëror në Davo u shpreh se turizmi në Shqipëri po merr një zhvillim të jashtëzakonshëm. Rama shprehet se kanë ardhur propozime si ai i dhëndrit të Donald trumpi për të investuar në ishullin e Sazanit. Ai nënvizon që turizmi është kali i betejës.
“Turizmi për ne është diçka e re nga e cila po shohim një zhvillim të jashtëzakonshëm, nga hapja e maleve për turistet që duan të ngjiten apo me propozime si ai i Jared Kushner për të investuar, e kompani të mëdha të Lindjes së Mesme që po ndërtojnë një port të madh turistik.
Kështu që nuk ka asnjë shans që ne ta minojmë turizmin, turizmi është kali ynë i betejës. Në të gjitha renditjet e botuara nga të tjerë, shihni që vendet në zhvillimin e turizmit janë krah për krah, Arabia Saudite, Katari dhe ne, por ne nuk patëm Botërorin.”, tha Rama.
