Groenlanda është rruga që lidh më shkurt Amerikën e Veriut me Evropën, duke e bërë atë strategjikisht të rëndësishme për SHBA-në. Ajo është gjithashtu shtëpia e një objekti të madh hapësinor amerikan, shkruan BBC.
Vitet e fundit, ka pasur një interes në rritje për burimet natyrore të Groenlandës, duke përfshirë minierat për minerale të rralla të tokës, uranium dhe hekur.
Megjithëse ishulli ka një autonomi të gjerë, ai mbetet pjesë e mbretërisë së Danimarkës.
Por ka një konsensus të përgjithshëm në Groenlanda se ajo përfundimisht do të bëhet e pavarur, gjë që mund të hapë rrugën për një marrëdhënie të re me SHBA-në.
Pretendimi i Presidentit Trump se populli i Groenlandës “dëshiron të jenë me ne” mund të jetë surprizë për disa nga banorët e ishullit.
“Unë mendoj se do ta kemi atë,” i tha ai BBC-së ndërsa ishte në Air Force One mbrëmë, duke shtuar se 57,000 banorët e ishullit “duan të jenë me ne” pavarësisht se kryeministrja daneze Mette Frederiksen deklaroi me vendosmëri se Groenlanda nuk është për shitje.
Ndërkohë, kryeministrja daneze Mette Frederiksen tha në fillim të këtij muaji se ” Groenlanda u përket Groenlandezëve” dhe vetëm popullsia lokale mund të përcaktojë të ardhmen e saj.
Frederiksen ripohoi pozicionin e saj në një shkëmbim të nxehtë telefonik 45-minutësh me Trump javën e kaluar, sipas një raporti në Financial Times.
