Kina mohon kategorikisht dyshimet e CIA-s se Covid-19 doli nga laboratorët e saj.
Zëdhënësja e Ministrisë së Jashtme Mao Nin tha se kjo hipotezë është jashtëzakonisht e pamundur dhe këtë e vërtetoi edhe ekipi i Organizatës Botërore të Shëndetësisë që ka vizituar laboratorin e virologjisë në Uhan, prej nga janë hedhur dyshime se ka dalë koronavirusi.
Pekini akuzoi Washington-in se po e përdor çështjen e gjurmimit të prejardhjes së koronavirusit për përfitime politike.
CIA publikoi të Dielën një vlerësim të ri ku shprehte besimin se Covid-19 ka dalë nga laboratorët në Kinë, pa specifikuar nëse dalja ishte aksidentale apo e qëllimshme. Vlerësimi u publikua me urdhër të John Ratcliffe, kreut të ri të emëruar javën e kaluar nga presidenti Donald Trump.
