Policia e Tiranës ka arrestuar një 24-vjeçar, i dyshuar për vjedhjen e pesë monopatinave në zona të ndryshme të kryeqytetit. I arrestuari, A. B., ka qenë i dënuar më parë për dhunë në familje dhe është kapur pas një operacioni të koduar “Përsëritësi”.
Nga veprimet hetimore dyshohet se ky shtetas, gjatë muajve të fundit, ka kryer 5 vjedhje në zona të ndryshme të Tiranës, konkretisht:
– Më datë 28.01.2025, dyshohet se ka vjedhur monopatinën e shtetasit A. M.;
– Më datë 28.01.2025, dyshohet se ka vjedhur monopatinën e shtetases Xh. G.;
– Më datë 28.01.2025, dyshohet se ka vjedhur monopatinën e shtetasit E. I.;
– Më datë 27.01.2025, dyshohet se ka vjedhur monopatinën e shtetasit P. S.;
– Më datë 24.01.2025, dyshohet se ka vjedhur monopatinën e shtetases E. K.
Vjedhjet e tij janë kryer gjatë ditëve të fundit, ndërsa vijon hetimi për zbardhjen e rasteve të tjera të mundshme.
