Ministria e Mbrojtjes njofton se për shkak të reshjeve të shiut janë shfaqur problematika në qytetin e Durrësit. Nga përmbytjet uji ka depërtuar në oborret e disa shtëpive në zonën e qujatur si “Ura e Dajlanit” dhe Ish Këneta.
Ndërsa një eskavator i Drejtorisë së Ujitjes dhe Kullimit ka mbërritur në Kanalin e Ujërave të larta për ndërhyrje dhe pastrimin e kanaleve.
Gjithashtu ka rritje të nivelit të ujit në rrugë, duke shkaktuar vështirësi në qarkullimin e mjeteve dhe lëvizjen e këmbësorëve si dhe prani të ujit në disa zona të qytetit si dhe në Shkozet, Ish-magazinat e Agrotransportit, Zona e Plazhit, Ish-Këneta, Stadiumi dhe Lagja “17 Nëntori”.
Niveli i ujit në Kanalin e Ujrave të Larta në unazën e qytetit ka arritur në një nivel kritik. Gjithashtu ka prani të ujit edhe në sipërfaqe bujqësore në njësinë administrative Sukth.
Ndërkohë strukturat vendore janë angazhuar për të riparuar pasojat e krijuara dhe po punojnë intensivisht për të menaxhuar situatën.
Ndërsa Agjencia Kombëtare e Mbrojtjes Civile do të vijojë të ndjekë situatën, për të koordinuar forcat deri në normalizimin e situatës.
