Tekniku i Sivasspor, Omer Erdogan, ka komentuar interesin e mundshëm të skuadrave për Rey Manaj, pas rinovimit të kontratës me klubin turk.
Ai theksoi se është natyrale që një lojtar i rëndësishëm si Manaj të tërheqë vëmendjen e klubeve të tjera, por deri tani nuk ka pasur asnjë ofertë që të kënaqte klubin.
“Padyshim do të ketë oferta për futbollistët tanë. Është natyrale për lojtarë të rëndësishëm si Manaj, ai e tregoi dhe një herë cilësinë që ka në ndeshjen e fundit. Siç e kam thënë, këto zëra do të vazhdojnë gjatë periudhës së transferimeve.
Padyshim që do ta lidhin me skuadra të tjera në media emrin e tij. Por nuk ka pasur deri tani asnjë ofertë që kënaq klubin tonë deri tani.
Gjithsesi, nga tani e në fund të merkatos do të jetë e vështirë, pasi nuk dua të humbas lojtarë të rëndësishëm, sidomos ata që i kam planifikuar për pjesën e dytë të sezonit. Ideja jonë aktuale është që Rei Manaj të vazhdojë me ne”,– tha tekniku.
