Presidenti amerikan, Donald Trump, pritet të nënshkruajë një urdhër ekzekutiv që do të ndalojë sportistët transgjinorë të konkurrojnë në kategorinë e femrave, duke ndryshuar politikat e administratës Biden.
Urdhri do të ndalojë shkollat dhe shoqatat sportive që financohen me fonde federale të lejojnë atletët transgjinorë të garojnë me gra dhe do të ndryshojë interpretimin e ligjit të të drejtave civile për diskriminimin gjinor në shkolla dhe sporte.
Këshilltarët e Trump kanë deklaruar se ky urdhër synon mbrojtjen e sporteve të grave, duke kundërshtuar politikat e administratës së mëparshme që e trajtonin identitetin gjinor dhe seksin si të njëjta. Trump kishte prekur këtë çështje gjatë fjalimit të tij të inaugurimit, duke theksuar se ka vetëm dy gjini: mashkull dhe femër.
