Ministri i Brendshëm, Ervin Hoxha justifikoi punonjësit e bashkisë dhe mbështetësit e Erion Veliajt që mbrëmjen e djeshme bllokuan makinën e burgjeve ku ndodhej kryetari i bashkisë dhe derën e SPAK-ut. PD kërkoi procedimin e tyre njëlloj sikur ndodhte me demokratët, por Hoxha u doli në mbrojtje.
“Në kushtet e një mase sigurie, Policia e Shtetit merr masat për të siguruar SPAK, e ka me detyrë, aty ndodhen edhe punonjësit e Gardës që ndodhen në krye të detyrës. Ata patën një vështirësi dje për shkak të grumbullimit të papritur, të personave që ishin simpatizantë dhe jo protestues. Protestuesit e mëparshëm kanë qenë të lajmëruar” tha ai.
