Kryetari i PD-së, Sali Berisha pas daljes nga SPAK-u lexoi pjesë, sipas tij të një dosje ku akuzon Taulant Ballën.
“Kam sjellë për gazetarët një copëz, një dëshmi tjetër të krimeve të shëmtuara të tij. Në 13.04.2020, target (që është person), informoi kodin “1FA806”, se Tao ka thënë se do të pastroj plotësisht komisariatin dhe do të dëboj të gjithë të lidhur me “Boerët”.
Tao, pasi mori përsipër arrestimin me prokurorë dhe gjykatës, pasi me Alfred Shehër dhe Pajtime Fetah, etj, tani Tao merr përsipër të pastrojë komisariatin me kërkesë të bandës nga Boerët, që janë ose policë të ndershëm që luftojnë krimin ose bandës tjetër. “Boerët” i bie me qenë banda rivale ose policë të ndershëm që bëjnë detyrat.
Kjo është një tjetër dëshmi që unë akuzoj, këta prokurorë të SPAK-it, një pjesë të tyre si anëtarë të organizatës kriminale që flenë mbi dosjet e krimit. Pesë muaj më parë Balla ishte për t’u arrestuar, por u mbrojt nga Rama dhe ai vazhdon shëtit si simbol i krimit” tha ai.
