Reali i Madridit fitoi 2-0 përballë Gironës. Kapiteni Modric shënoi golin e parë që ishte i jashtëzakonshëm. Në fund të ndeshjes, Luka Modric u shpreh i lumtur. “Jam shumë mirënjohës për dashurinë që tregon gjithmonë Bernabeu”, tha kroati, i cili e shpjegoi golin e tij me thjeshtësi… “Mbeta vetëm atje, e godita dhe u fut… Duhet të gjuash”.
“Fitorja ishte shumë e rëndësishme, ne duhet të vazhdojmë të luftojmë. Ne luajtëm një lojë të mrekullueshme… E dimë që duhet ta bëjmë çdo natë dhe vazhdojmë të rritemi si ekip. Jemi në një moment të mirë, siç tregohet nga ndeshjet e fundit. Duhet të vazhdojmë, nuk mund të rritemi ende si një ekip”.
Nuk munguan elozhet nga trajneri Anceloti. “Modric është një dhuratë për futbollin. Ai duhet të vazhdojë sa të dojë. Ai e bën atë që bën shumë mirë. Ne kemi qenë me fat që kemi një legjendë me ne”, tha trajneri i Madridit, i cili e krahasoi me Paolo Maldinin.
“Kam pasur një lojtar tjetër që ishte 40 vjeç, i cili ishte Maldini. Ata të dy mund të krahasohen për sa i përket asaj se çfarë duhet të jetë një futbollist. Janë shembuj fantastikë. Nuk është rastësi që kanë arritur të 40-at.
Gjenetika ka rëndësi, por edhe përkushtimi dhe qëndrimi…”. Ancelotti nuk e fsheh faktin se do të donte ta shihte Modric në moshën 40-vjeçare në Madrid. Një tjetër rinovim me Realin? Modric shpreson…
