Trajneri i Real Madrid, Álvaro Arbeloa, ka publikuar listën e lojtarëve për ndeshjen e sotme ndaj Real Betis në La Cartuja, që nis në orën 21:00.
Madrilenët vijnë në këtë sfidë nën presion në garën për titull, pasi ndodhen 9 pikë pas kryesuesve, duke e bërë fitoren shumë të rëndësishme për vazhdimësinë e sezonit.
Skuadra ka disa mungesa të rëndësishme, përfshirë Courtois, Rodrygo, Güler dhe Militão për shkak dëmtimesh, ndërsa Tchouaméni dhe Ceballos mungojnë gjithashtu, njëri i dëmtuar dhe tjetri për arsye taktike.
Në listë bie në sy rikthimi i Raúl Asensio, ndërsa janë përfshirë edhe disa lojtarë të akademisë për të plotësuar grupin për këtë ndeshje të rëndësishme.
