Sot, Gjermania zhvillon zgjedhjet për Bundestagun e ri, ku 60 milionë votues do të ndikojnë në formimin e qeverisë. Zgjedhjet e këtij viti janë më të polarizuara se ato të katër vjetëve të shkuara, me çështje të tilla si migrimi dhe ekonomia që mbizotërojnë në fushatën elektorale. Friedrich Merz, lideri i CDU-së, thekson rëndësinë e këtyre zgjedhjeve për të ruajtur stabilitetin politik dhe ekonomik të Gjermanisë dhe Europës.
Kjo fushatë po zhvillohet në një atmosferë të tensionuar, ku çështja e migrimit ka ndikuar në forcimin e partive të ekstremit të djathtë, si AfD. Sondazhet tregojnë një garë të fortë mes CDU/CSU, AfD dhe SPD, ndërsa formimi i një koalicioni të ri qeveritar mbetet sfidë. Zgjedhjet janë të rëndësishme jo vetëm për politikën gjermane, por edhe për orientimin e mëtejshëm të Europës, duke përfshirë çështje si zgjerimi i Bashkimit Evropian dhe politika e mbrojtjes.
