I pyetur nëse vazhdon që t’i qëndrojë idesë se nëse vjen në pushtet do ta shkrijë SPAK-un, Sali Berisha u zotua sot se nuk do të lejojë kurrë prokurori politike në vend. Për SPAK-un tha se po vepron si prokuroria e kohës së Enver Hoxhës duke lënë të kuptohet qartë se do të veprojë me nisma ligjore kundër saj.
“Ajo që kam deklaruar dhe deklaroj unë se kurrë në qeverisjen e PD-së Shqipëria nuk do të mund të ketë prokurori politike. Kjo ta ketë të qartë cdo shqiptar, prokuroritë politike janë prokurori diktaturash.
Por unë ftoj qytetarët meqë është një gjeneratë e tërë që nuk ka jetuar diktaturën të mos harrojnë se gjatë diktaturës prokuroria e Enver Hoxhës, krahas dënimeve politike jepte me qindra dënime për krime ordinere.
Për atë që e rikujtojnë atë kohë SKAP-i sot bën të njëjtën gjë. Krahas dënimeve politike për llogari të Ramës jep edhe dënime të tjera. Por e para ishte prokurori politike dhe e dyta është po kaq politike dhe Shqipëria nuk do të ketë kurrë prokurori politike. Kjo është përgjigja ime për cdo qytetar shqiptar” tha ai.
