Në kuadër të protestave të mëdha që pritet të mbahen në Greqi nesër, më 28 shkurt, për tragjedinë e ndodhur në Tempin më 2023, ku dy trena u përplasën dhe humbën jetën dhjetëra studentë, Policia e Kakavijës njofton kufizime të lëvizjes së mjeteve në kufirin shqiptar.
Nga ora 07:00 deri në 23:00, për shkak të grevës së doganierëve grekë, në Pikën e Kalimit Kufitar Kakavijë nuk do të lejohen mjetet të kalojnë.
Të vetmit që do të lejohet të kalojnë janë këmbësorët, mjetet që transportojnë produkte të prishshme dhe automjetet me emergjenca shëndetësore. Policia Kufitare ka marrë këtë informacion nga pala greke dhe ka bërë thirrje për mirëkuptim për këtë periudhë grevë.
