Sekretari amerikan i Shtetit, Marco Rubio, ka pritur në një takim ministrin e Jashtëm të Greqisë, Gerapetritis. Në takim ata diskutuan për marëdhëniet dypalëshe dhe rolin e Greqisë.
“Në takimin tim me ministrin e Jashtëm grek diskutuam çfarë mund të arrijmë së bashku si partnerë, aleatë në NATO dhe qëndrimin e Greqisë në Këshillin e Sigurisë së OKB”, tha Sekretari Rubio në një postim në rrjetin social X pas takimit.
Rubio theksoi se me homologun grek diskutoi për rolin udhëheqës të Greqisë në sektorin e sigurisë dhe energjisë në Mesdheun lindor.
Gjithashtu në takim u vlerësua marrëdhënia strategjike dypalëshe dhe u ra dakord që të forcohet bashkëpunimi në fushën e mbrojtjes, ekonomisë, tregtisë dhe turizmit.
