Kongresmeni demokrat dhe ish-kryebashkiaku i Hjustonit, Sylvester Turner, ka ndërruar jetë disa orë pas marrjes pjesë në fjalimin e presidentit amerikan Donald Trump në Kongres. Turner, 70 vjeç, përfaqësoi distriktin e 18-të të Kongresit të Teksasit.
Ai shërbeu si kryebashkiak i Hjustonit nga 2016 deri në 2024 dhe ishte zgjedhur në Kongres vitin e kaluar për të pasuar vendin e Sheila Jackson Lee.
Një përfaqësues i kongresmenit të ndjerë tha se Turner ndoqi të gjithë fjalimin e Trump dhe më pas shkoi në spital. Pas disa orësh, ai u kthye në shtëpi dhe ndërroi jetë. Shkaku i vdekjes nuk është specifikuar ende. Pas vdekjes së tij, do të zhvillohen zgjedhje për të zëvendësuar mandatin e tij në Kongres.
