Departamenti i Policisë Kriminale në bashkëpunim me Prokurorinë Speciale (SPAK) dhe Agjencinë Federale DSS/OCIU, ka arritur të arrestojë në Shtetet e Bashkuara një shtetas shqiptar, F. L., 56 vjeç, ish-oficer i Policisë Gjyqësore pranë Prokurorisë së Juridiksionit të Përgjithshëm Tiranë.
Ky shtetas ishte shpallur në kërkim ndërkombëtar nga Gjykata Kundër Korrupsionit dhe Krimit të Organizuar (GJKKO), për akuzat e korrupsionit dhe nxjerrjes së sekretit shtetëror. Ai u ekstradua në Shqipëri sot rreth orës 15:00.
Ky operacion është realizuar falë bashkëpunimit të agjencive ligjzbatuese shqiptare dhe atyre amerikane.
