Presidenti i SHBA, Donald Trump, konfirmoi se do të vizitojë Arabinë Saudite dhe ndau mendimet e tij mbi luftën në Ukrainë. Ai theksoi se Ukraina dhe Rusia dëshirojnë të arrijnë një marrëveshje pasi nuk kanë mundësi tjetër.
“Unë gjithashtu mendoj se Rusia dëshiron të bëjë një marrëveshje sepse në një mënyrë të caktuar – një mënyrë tjetër që vetëm unë e di – ata nuk kanë asnjë zgjidhje.”
Trump gjithashtu nënvizoi se një delegacion amerikan do të takohet me zyrtarët ukrainas në Arabinë Saudite, por ai nuk dha një përgjigje të qartë nëse do të takohej me Vladimir Putin.
“Nuk e di, nuk mund t’ju them,” përgjigjet ai, përpara se të shtojë: “Unë po shkoj në Arabinë Saudite”.
