Policia Gjirokastër në kuadër të operacionit të koduar “Wanted 2” ka arestuar një 32-vjeçar i shpallur në kërkim nga DVP Korçë. 32-vjeçari Klejdi Qibina banues në fshatin Luzat u arrestua në Tepelenë pasi akuzohet për dhënie ndihmë emigrantëve për kalim të paligjshëm të kufijve.
Ai ishte i shpallur në kërkim pasi Gjykata e Shkallës së Parë e Juridiksionit të Përgjithshëm Korçë, me vendimin e datës 07.03.2025, i ka caktuar masën e sigurisë “Arrest në burg”, për veprën penale ”Ndihma për kalim të paligjshëm të kufijve”, kryer në bashkëpunim. Ndërsa materialet i kaluan prokurorisë për veprime të mëtejshme.
