Kryetarin e bashkisë së Tiranës Erion Veliaj e kanë vizituar në qeli dy avokatët Joshua Roberts dhe Ermir Beta.
Avokati nga Shtetet e Bashkuara Joshua Roberts në një deklaratë për mediat foli rreth arrestimit të Veliajt nga SPAK. Ai tha se ndalimi para gjyqit bëhet vetëm nëse ka rrezik arratisje.
“Mirëmbrëma! Emri im është Joshua Roberts! Jam një partner i ….. studio ligjore amerikane që këshillon kryetarin e Bashkisë Erion Veliaj dhe ne jemi në dijeni që ai është nën arrest që prej datës 10 shkurt. Unë jam këtu në Shqipëri vetëm në rolin e vëzhguesit. Në Amerikë sipas Kushtetutës dhe ligjit, akuzat penale ngrihen në bazë vetëm të një shkaku të arsyeshëm, kur të jetë kryer një krim dhe qytetarët që ndalohen për akuzat penale mund të ndalohen para gjyqit vetëm nëse paraqesin rrezik arratisjeje ose rrezik për shoqërinë. Ndikimet e pacaktuara në afat, dhe pa akuza penale, kriteret për rreziqe veçanërisht të politikanëve, janë në kundërshtim me sundimin e ligjit dhe demokracinë në SHBA. Nesër do të vëzhdoj argumentet e apelimit në lidhje me lirimin me kusht të kryetarit Veliaj. Unë nuk do t’iu përgjigjem për asnjë pyetje apo të bëj një vërejtje të mëtejshme sot. Faleminderit”, tha avokati amerikan.
