Në mesnatë do të dorëzohen listat finale të kandidatëve për deputetë të partive për zgjedhjet e 11 Majit. Por emrat e parë që do të mbeten jashtë kanë filluar që të dalin prej disa ditësh.
Ditën e sotme deputeti i PD-së, Dashnor Sula njoftoi se nuk do të jetë në listë, pasi e kanë lënë jashtë me argumentin se është SPAK-ist, mbron strukturën e posaçme të drejtësisë. Por me këtë vendim nëse do të jetë i vërtetë dhe nëse nuk do të ketë kthim pas ka një kontradiktë të madhe.
Dashnor Sula është i pari më i votuari në qarkun e Elbasanit në garën e Primareve. Ai mori 538 vota duke lënë të tjerët pas. Por as kjo dhe as angazhimi i fortë në parlament dhe në publik në hapësira të tjera nuk ka mjaftuar.
Nuk u kandidua për deputet, Dashnor Sula: Më hoqën sepse jam SPAK-ist
