Sot është një ditë vendimtare. Në mbrëmje do të zyrtarizohen emrat e kandidatëve për deputetë që dy partitë e mëdha por edhe të vegjlit do të hedhin në fushë për betejën e 11 majit.
Kryeministri Edi Rama në orën 14:00 ka nisur në selinë e PS-së mbledhjen me drejtuesit e qarqeve për të diskutuar në lidhje me emrat. Rama mbërriti me Ulsi Manjën për mbledhjen e drejtuesve politik në PS. Dukej i vrenjtur.
Më pas në orën ka vendosur të mbledhë në 19:00 Kryesinë e PS, për të firmosur formalisht listën përfundimtare.
Shumica e grupit parlamentar të PS pritet të jetë në listën e hapur, pasi kryeministri Rama deklaroi se ata që kanë fituar qoftë edhe një mandat nën siglën e PS do jenë listën e hapur përveç drejtuesve politikë të qarqeve.
Ndërkohë, surprizë mbetet vendimi i kryesocialistit Edi Rama, i cili për herë të parë tha se mund të mos kandidojë fare si deputet.
