Policia e Shtetit ka shpallur masat e sigurisë për Ditën e Verës, më 14 mars. Aktivitetet festive do të mbikëqyren nga strukturat e rendit, policia rrugore dhe patrullat përgjithshme për të siguruar mbarëvajtjen e tyre.
Në Elbasan, parkimi dhe qarkullimi i automjeteve do të jenë të ndaluara në disa segmente rrugore në qendër të qytetit, si dhe në Tiranë, ku bulevardi “Dëshmorët e Kombit” dhe rrugët “Papa Gjon Pali II” dhe “Ibrahim Rugova” do të bllokohen gjatë aktiviteteve.
Policia e Shtetit apelon për bashkëpunim nga qytetarët për të ndihmuar në shmangien e trafikut dhe për zbatimin e masave kufizuese.
