Pasditen e sotme një aksident ka ndodhur në qytetin e Vlorës, në zonën e Transballkanikes. Një automjet tip ML, me ngjyrë të zezë, nuk i është bindur urdhrit të ndalimit në një postbllok policie, duke tentuar të largohet me shpejtësi.
Për t’iu shmangur ndalimit, mjeti ka përplasur disa automjete, përfshirë edhe një mjet të Policisë së Burgjeve të cilin e ka nxjerrë nga rruga. Nuk raportohet për të lënduar, ndërkohë që dëmet materiale janë të konsiderueshme.
Policia ndodhet në vendngjarje dhe ka nisur hetimet për zbardhjen e rrethanave dhe identifikimin e drejtuesit të mjetit.
