Mbrëmjen e sotme u zhvillua protesta kundër mbylljes së TikTok që Partia Demokratike u bëri thirrje të rinjve që të bashkohen. Të rinjtë iu bahskuan me pankarta dhe me fjalime të ndryshme.
Deputeti i Partisë Demokratike, Kreshnik Çollaku e cilëson mbylljen e TikTok si një krim elektoral. Ai tha se Ramën e ka kapur frika në këto zgjedhje dhe shtopi se në protestë kishte një numër të lartë policësh.
“Ishte një thirrje e Berishës që ftoi të rinjtë për protestë. Nuk ishte protestë politike, aq më pak e koalicionit. Rruga e Elbasanit ishte e mbushur me makina policie, sikur kishte luftë civile. Ishin disa të rinj që protestonin kundër mbylljes së TikTok. Kaq e thjeshtë. Pjesëmarrja e PD ishte mbështetëse. Mbyllja e TikTok nuk është një akt censure, është një krim elektoral. Është një mbyllje goje për opozitën dhe qytetarët. Në raportet e vëzhguesve do të cilësohet e tillë. Oponenca qytetarë nuk mund të pranohet me një akt të tillë. Po e nis fushatën me një krim elektoral”, tha Çollaku në A2CNN.
