Një ngjarje e rëndë ka ndodhur në Gramsh, ku një 38-vjeçar është arrestuar nga policia pasi dyshohet se ka goditur me sende të forta një tjetër person, rreth të 40-ave.
Dy bashkëpunëtorët e tij, njëri 40-vjeç dhe tjetri 37-vjeç, janë shpallur në kërkim. Policia thotë se ata janë përfshirë në një konflikt për motive të dobëta dhe gjatë përleshjes, dyshohet se kanë përdorur një shkop bejsbolli për të goditur 44-vjeçarin L. A., i cili ka marrë dëmtime dhe ndodhet nën kujdesin e mjekëve, por jashtë rrezikut për jetën.
Po ashtu, është dyshuar se ata kanë dëmtuar automjetin e tij. Puna për kapjen e dy të dyshuarve të tjerë vazhdon.
