Kreu i Grupit Parlamentar të Partisë Demokratike Gazment Bardhi me anë të një postimi në rrjetin social ka uruar Fortlumturinë e Tij, Joan Pelushi për zgjedhjen nga Sinodi i Shenjtë në detyrën e lartë të Kryepeshkopit të Tiranës, Durrësit dhe të gjithë Shqipërisë.
Bardhi uron se do të forcohet edhe më shumë lumturia ndërfetare dhe do të jetë shembull frymëzues për mbarë botën.
“Urimet më të përzemërta Kishës Ortodokse Autoqefale të Shqipërisë, besimtarëve ortodoksë shqiptarë, dhe veçanërisht Fortlumturisë së Tij, Joan Pelushit për zgjedhjen nga Sinodi i Shenjtë në detyrën e lartë të Kryepeshkopit të Tiranës, Durrësit dhe të gjithë Shqipërisë. Besimplotë se në drejtimin e tij, do të forcohet edhe më shumë harmonia jonë ndërfetare, shembull frymëzues për mbarë botën. Urimet më të mira!!, shkruan Bardhi.
