Kreu i Partisë Demokratike në mbledhjen me demokratët në njësinë nr.8 komentoi edhe ndryshimet që po bëhen në bashkinë e Tiranës. Berisha u shpreh se bashkia e Tiranës ndodhet në duart e mafiozëve.
“Dhe tani beteja mafioze njëri shkon dhe e mbron atë Anuela Ristanin, Veliaj e shkarkon dhe emëron një tjetër. Duhet të mblidhet këshilli bashkiak, por kjo është beteje mafiozësh. Njëri e emëron Anuela Ristanin, tjetri e shkarkon. Veliaj e shkarkon dhe emëron një tjetër. Ato janë funksione të Këshillit Bashkiak, jo të Ramës apo Veliajt. Merrni vesh ku është Tirana dhe bashkia? Në duart e kujt janë?”, tha Berisha.
