Presidenti i Republikës Serbe Milorad Dodik, ka njoftuar nga Izraeli, pasi më parë kishte fluturuar nga Bosnja dhe Hercegovina për në kryeqytetin serb, pavarësisht një urdhër-arresti qendror të lëshuar për të.
Ai tha se Izraeli është një vend, forcën, historinë dhe vendosmërinë e të cilit ai e respekton.
“Izraeli po tregon se liria dhe siguria nuk kanë çmim dhe se një popull që e di se kush është – nuk pranon të jetë as një objektiv, as një vartës. Ashtu si Izraeli mbrohet pa falje, po ashtu edhe Republika Serbe mbron të drejtën e saj për të ekzistuar, të vendosë dhe të mbajë zotimin e paraardhësve të saj”, tha Dodik.
Sipas medias, ai krahasoi serbët dhe hebrenjtë dhe tha se të dy popujt “u përpoqën t’i zhduknin plotësisht dhe ata mbijetuan”.
“Kjo është arsyeja pse ne e kuptojmë njëri-tjetrin. Dhe kjo është arsyeja pse ne qëndrojmë së bashku,” tha Dodik.
Ai gjendet në Izrael pasi ishte ftuar në Konferencën për Luftën kundër Antisemitizmit, e cila do të mbahet më 26 dhe 27 mars në Jerusalem.
