Kryeministri Edi Rama vazhdon që të bëjë fushatë me dy karta; drejtësia dhe integrimi. Edhe sot u ndal te SPAK-u dhe arrestimet, përfshirë krahun socialist. Mori meritat për “shpatën” sikur tha ai, që i kishte dhënë drejtuesit të SPAK-ut që po vijon me arrestimet.
“Shpata ishte te zyra ime, para se të isha unë, shpata ishte te zyra e atij tjetrit, deri në 1912. Drejtësia ishte komplet nën urdhrat e pushtetit politik.
Altin Dumani po t’ju them unë, të gjithë e njihni. Altin Dumani ka 20 vjet prokuror, kishit dëgjuar për të? A kishit dëgjuar ndonjëherë për ndonjë ministër me pushtet që shkonte në prokurori të jepte llogari, të dënohej apo të arratisej?
As ju s’keni parë, as prindërit tuaj dhe as gjyshërit” u shpreh ai.
