Garda Civile e Spanjës ka zbuluar një plantacion të madh marijuane dhe ka arrestuar tre shqiptarë, ndërsa po heton një të katërt. Në operacionin që u zhvillua në Maello, u sekuestruan 3880 bimë marijuanë, me peshë totale 330 kilogramë, të kultivuara në dy laboratorë të fshehur në një zonë banimi.
Tre persona u arrestuan për krime të dyshuara kundër shëndetit publik, ndërsa një tjetër është në hetim për trafik droge dhe mashtrim me energjinë elektrike. Hetimet po vazhdojnë për të zbardhur më shumë detaje të aktivitetit kriminal dhe përfshirjen e mundshme të një organizate shqiptare të trafikut të drogës.
