Kryeministri Edi Rama në takimin me emigrantët në Kretë ironizoi opozitën duke thënë që bufi i kënetës thotë që është i mençur. Rama tha se në listën e kandidatëve ata kanë futur familjarët e tyre dhe kërkojnë votën e rinisë.
“I gjithë populli ynë dhe vendi ynë do integrohet në BE! Besoj se e keni të qartë që këtë gjë nuk mund ta bëj dikush tjetër, ata që vijnë këtu te ju dhe ju premtojnë gjithçka, ndërkohë që s’kanë gjë në dorë dhe as kanë për të pasur. Këtë nuk ka për ta bëjë bufi i kënetës bashkë me të gjithë luhuninë e zogjve të tij. Bufi i kënetës që thotë që unë jam i mençur, jam i bukur si Athinaja. Duke u referuar bufit të vogël që ishte simboli i grekëve të lashtë dhe e morën dhe Romakët. Bufi i vogël nuk kishte lidhje me këneten, ndërkohë që bufi ynë në Tiranë, është i dalë nga shprehja e popullit, çfarë do aty o buf kënete.
Këto nuk mund t’i bëjnë as shitësit e qilimave. Dalin në diasporë dhe thonë, na jepni votën ne rinisë. Në listat e kandidatëve, kanë babanë, mamanë, xhaxhanë, nuk kanë aq njerëz që t’i vënë nëpër lista. Ne, sot, jam shumë krenar sepse i kemi dhënë të gjithë shqiptarëve, brenda dhe jashtë, në çdo qark, një skuadër, e cila është skuadra e partisë më të re dhe më të vjetër”, u shpreh Rama.
