Kryeministri Edi Rama në takimin me emigrantët shqiptarë në Kretë nënvizon se sot është mundësia e artë për të marrë pasaportën europiane. Rama thekson se me pasaportën europiane, shqiptarët mund të qëndrojnë edhe në Greqi dhe mund të jenë të barabartë me të tjerët.
“Sot ne kemi mundësinë e artë, ndërkohë që kemi ndërtuar dhe po ndërtojmë marrëdhënie shumë pozitive me Greqinë, mos të presin kur të bëhen dokumentet për shqiptarët këtu, ose të përfundojë marrëveshja për pensionet, por më 11 maj të votojmë aty ku gjendet forca e duhur, në kohën e duhur dhe në vendin e duhur, që atë pasaportë nga shteti grek, ta merrni nga shteti shqiptar, pashaportën e BE. Pashaporta shqiptare e BE është njësoj si pashaporta greke e BE. Me pashaportën shqiptare të BE, ju mund të qëndroni këtu, të punoni këtu, mund ta transferoni çdo të ardhur nga pensioni. Shteti iu njeh pensionin për punën që keni bërë këtu. Me pashaportën shqiptare të BE, jeni në realitetin e ligjit. Qytetarë europianë të barabartë me të tjerët”, tha Rama.
