Kryeministri Rama deklaroi sot se ka dhjetëfishuar investimet në ushtri. Kryeministri njoftoi se Shqipëria do të blejë një anije të madhe luftarake.
“Ka qenë 28 milionë euro. Ushtria më e keqpaguar në Europë dhe e kapur keq nga korrupsioni. Sot është 280 milionë euro. Sot është ushtria më e mirëpaguar e rajonit.
Edhe Serbinë e kemi sapo kaluar me pagat në ushtri. Synojmë që brenda mandatit të katërt në Shqipërinë 2030, paga mesatare të jetë në mesataren e pagave të vendeve të NATO-s.
Kemi gjetur ferrnaja dhe sot është një bazë taktike e NATO-s. Sot, me flotë helikopterësh dhe së shpejti me një anije të madhe luftarake, veç të voglave. Ky është vetëm fillimi i një transformimi. Industria ushtarake ka nisur të hedhë themelet”, tha Rama.
