Nga Athina, kryeministri Edi Rama u shpreh se marrëdhëniet me Greqinë janë shumë të mira. Theksoi se në tavolinë janë disa dosje të vjetra që presin zgjidhje, mes tyre heqja e ligjit të luftës. Premtoi se mes dy vendeve do të hapet një epokë e re bashkëpunimi.
“Kemi në tavolinë nga ana jonë kërkesën për të hequr ligjin e luftës se është një absurditet, ne jemi dy popuj shumë të afërt, vende aleate në NATO, Greqia është partnere strategjike dhe ne jemi në gjendje lufte. Insistimi ynë është që ky ligj duhet të hiqet.
Besoj që ky ligj dhe çështje të mbetura ku shumë shpesh bufat e kënetave nacionaliste andej e këtej kanë bërë lëmsh dynjanë, ne do të dalim sipër kënetave e do të bëjmë të mundur hapjen e një epoke partneriteti strategjik” tha ai.
